Байқауға қатысуға Қызылорда қаласы,оған қарасты кенттер мен ауылдық округтерден 36 отбасы өтініш білдірді. Комиссия отбасылық құндылықтарды берік ұстанған 25 отбасыны іріктеді. Оның ішінде 2 отбасының құжаттары облыстық кезеңге жолданды.
Байқаудың мақсаты — отбасы институтын нығайту, балаларды тәрбиелеуде ата-ананың жауапкершілігін арттыру, отбасы құндылықтарды және қазақстандық отбасының жағымды имиджін кеңінен насихаттау.
Конкурс ел Үкіметінің 2014 жылғы 5 наурыздағы №181 қаулысы бойынша «Мерейлі отбасы» ұлттық конкурсын өткізу қағидаларына сәйкес жүзеге асырылады.
Конкурс 2 кезеңде өтеді: бірінші кезең — қалалық, екінші кезең — облыстық.
«Мерейлі отбасы» ұлттық байқауының адамгершілік, ізгілік, отбасылық құндылықтарын жаңғырту, неке мен отбасы институтының қоғамдағы беделін арттыру, сондай-ақ отбасы келбетінің оң үлгісін кеңінен насихаттау.