Қызылорда қаласында Конго-Қырым геморрагиялық қызбасына қарсы залалсыздандыру жұмыстары басталады.
Қызылорда қаласы бойынша Конго-Қырым геморрагиялық қызбасы ауруының табиғи ошақтарында 2026 жылғы көктемгі эпидемиологиялық маусым аясында залалсыздандыру (дезинфекция, дезинсекция) жұмыстары жүргізіледі.
Аталған шаралардың негізгі мақсаты – инфекция тасымалдаушы кенелердің санын азайту, аурудың таралуының алдын алу және тұрғындардың қауіпсіздігін қамтамасыз ету.
Жұмыстар кестесіне сәйкес:
- өңдеу жұмыстары елді мекендерде, мал қораларында, аулаларда және қауіпті аймақтарда кезең-кезеңімен жүргізіледі;
- арнайы мамандандырылған қызметтер тартылып, қауіпсіздік талаптары толық сақталады;
- әр аумақ бойынша нақты мерзімдер бекітіліп, тұрғындарға алдын ала хабар беріледі.
Тұрғындарға ескерту:
Залалсыздандыру жұмыстары жүргізілетін күндері қауіпсіздік шараларын сақтап, мамандардың нұсқауларын орындау қажет.