Бүгін аудан әкімі Ардақ Ибраимов еліміздегі ірі инвесторлармен кездесті. Басқосуда ауданда жаңа жұмыс орындарын ашу, кәсіпкерлікті дамыту және ауыл шаруашылығы саласын әртараптандыру мәселелері жан-жақты талқыланды.
Әсіресе егін шаруашылығын дамыту, егіске қолайлы жерлерді тиімді игеру сынды инвестициялық мүмкіндіктерге басымдық берілді.
Кездесу аясында инвесторлар ауданның табиғи-климаттық, топырақтық жағдайларымен танысып, ауыл шаруашылығына қолайлы жер телімдерін көзбен көріп, зерттеп шықты.
Аудан әкімі инвесторларға заң аясында жан-жақты көмек көрсетілетінін жеткізді.