Аудан әкімі Ардақ Ибраимовтың төрағалығымен алдағы «Алтын дән – 2025» мерекесін ұйымдастыру және өткізу мәселелері бойынша мәжіліс өтті.
Жиын барысында мерекелік іс-шаралардың бағдарламасы, ауыл шаруашылығы саласындағы жетістіктерді кеңінен насихаттау, облыс орталығында және аудан көлемінде ауыл шаруашылығы өнімдерінің жәрмеңкесін өткізу, көрмелер ұйымдастыру мәселелері жан-жақты талқыланды.
Аудан әкімі тиісті сала басшыларына дайындық жұмыстарын жоғары деңгейде ұйымдастыруды, мерекені мазмұнды өткізуді тапсырды.
Мереке аясында ауыл еңбеккерлерінің ерен еңбегі мен саладағы жетістіктерді кеңінен дәріптеу көзделіп отыр.