Қазақ онкология институтының базасында және еліміздің 20 өңірлік онкология орталықтарында бас, мойын және қуық асты безі обырын анықтау бойынша Ашық есік күндері өтті.
Бұл күні барлық өңірлердің тұрғындары онкоурологтардан, онкооториноларингологтар мен терапевттерден тегін консультация және терапевттің жолдамасынсыз және МӘМС-тің болуына қарамастан диагностикалық емшараларды ала алды.
Қатысу үшін тек жеке куәлік қажет болды.
* 600-ден астам адам мамандардан консультация алып, қарап-тексеруден өтті.
* 250-ден астам диагностикалық емшара, соның ішінде ультрадыбыстық, ПСA, КТ талдауы жүргізілді.
* 26 пациентте қатерлі ісікке күдік анықталды.
* 51 адамға қатерлі ісікке дейінгі жағдай анықталды.
* 300-ден астам пациентте бақылауды және емдеуді қажет ететін өзге де аурулар анықталды.
Акцияның шеңберінде дәрігерлер ауыз қуысын, бас және мойын терісін, қалқанша және қуық асты бездерін визуалды қарап-тексеруден өткізіп, онкологиялық аурулардың алдын алу және заманауи емдеу әдістері бойынша консультация берді. Қатерлі ісікке күдік бар және оған дейінгі пациенттерге қосымша зерттеп-қарауға жолдама берілді.
Бас және мойын обыры әлемде таралуы бойынша 6-шы орында екенін және жыл сайын 700 мыңнан астам адамның өмірін қиғанын естеріңізге сала кетейік. Қазақстанда жыл сайын осы аурудың 1 700-ге жуық жаңа жағдайы тіркеледі.
Бас және мойын обырының қауіп факторларының қатарына темекі шегу, алкоголді тұтыну, вирустық инфекциялар және зиянды химиялық заттардың әсері жатады.
50 жастан асқан ер адамдарда онкологияның ең көп таралған түрлерінің бірі — қуық асты безі обырының көбеюі ерекше алаңдаушылық тудырады. Жыл сайын аурудың 1600-ден астам жаңа жағдайы анықталады.
Қызылорда өңірінде 2023 жылмен салыстырғанда 9,7 пайызға өскені байқалады. Тек Сыр өңірі ғана емес, дүниежүзі бойынша да бұл індет кең етек алып тұр. Дерекке сүйенсек, әлем бойынша үш індет, оның ішінде онкология, қан тамырлары ауруы және жазатайым оқиға салдарынан көз жұму фактісі өршіп барады екен. Соның ішінде онкологиялық дерттің белең алуы үлкен мәселеге айналып тұрғанын ақхалаттылар да жоққа шығармайды.
Қазір онкологиялық ауруға байланысты үш түрлі скринг өткізіліп тұрады. Соның ішінде сүт безі, жатыр мойны, тік және тоқ ішек ауруларын ерте анықтау мақсатында жұмыстар жүргізіліп жатқанын алға тартады. Дәрігердің айтуынша, бұл тұрғыда сүт безі ауруы 40 пен 70 жас аралығынла әрбір екі жыл бойына зерделенеді. Ең бастысы, дертке душар болған адам дәрігердің нұсқауымен ем алып, белгіленген мерзімге дейін күтімде болса, ауруынан айығып кетуіне мүмкіндігі арта түседі. Өкінішке қарай, көптеген адам толық ем алмай, ауруын одан бетер асқындырып алатын жағдай жиі болады. Сырқатын мейлінше ерте анықтаса, оның қаупі де азайды. Дәрігерлер пікірі осыны меңзейді.
Қазақ онкология институтында жыл сайын 1200-ден астам емдеуге жатқызу жүргізіледі және бас пен мойынның ісіктеріне байланысты 800 операция жасалады.