Қызылорда облыстық көпбейінді ауруханасының уролог-дәрігері Искаков Еркін Қонысұлы облыс әкімінің қолдауымен Литва Республикасының Каунас қаласындағы Литва денсаулық ғылымдары университетінің клиникасында біліктілігін арттырды.
Халықаралық тәжірибе алмасу барысында дәрігер 3D технологияны қолданып ота жасау әдісін меңгерді. Бұл инновациялық тәсіл ота кезінде адам ағзасындағы тіндерді бір-бірінен нақты ажыратып, операцияның қауіпсіздігін едәуір арттырады.
Біліктілік арттыру сапары барысында Еркін Қонысұлы ер адамдарда кездесетін қуық асты безінің қатерлі ісігін ерте кезеңде анықтау және емдеу әдістерін, сондай-ақ бүйрек қатерлі ісігі кезінде ағзаны сақтап қалуға мүмкіндік беретін ота тәсілдерін тереңірек меңгерді.
Созылмалы бүйрек ауруы (СБА) Қоғамдық денсаулық пен экономикаға үлкен қауіп төндіре отырып, бүкіл әлем бойынша күннен күнге кең таралып жатқан ауру болып табылады. Бұл бүйрек бірте-бірте өз функциясын жоғалтатын және көптеген жылдар бойы баяу, кейде тіпті ерте кезеңдерде байқалатын белгілерсіз дамитын жағдай болып табылады.Дегенмен, егер оны уақытылы анықтамаса және бақыламаса, бұл бүйрек жеткіліксіздігі мен жүрек-қан тамырлары ауруларын қоса алғанда, ауыр асқынуларға әкелуі мүмкін.
Дүниежүзілік денсаулық сақтау ұйымының мәліметтері бойынша әлемде 840 миллионға жуық адам созылмалы бүйрек ауруымен (СБА) ауырады. Қазақстанда әрбір оныншы тұрғын бұл ауруға шалдығады, бірақ жетеуінің біреуіне ғана СБА диагнозы қойылады. Бүгінгі таңда бүйрек трансплантациясына кезекте 3600-ге жуық қазақстандық, оның ішінде 80-нен астам бала тұр.
Сапар соңында дәрігерге Литва денсаулық ғылымдары университетінің урология бөлімінің меңгерушісі, профессор Миндаугас Йевалтас (Mindaugas Jievaltas) сертификат табыс етті.