Биыл қаладағы іргелі білім беру мекемесі С.Сейфуллин атындағы № 4 ІТ мектеп-лицейінің құрылғанына 60 жыл толды. Мерейлі жылға орай, мектеп ұжымы ауқымды шаралар легін ұйымдастырып, барша түлектеріне сый-құрмет көрсетті.
Бұл мектептен түлеп ұшқан азаматтардың бірі – кәсіпкер-меценат, «УАД» ЖШС-нің директоры Мұрат Үдербаев. Мұрат Пірмағамбетұлы биыл осы мектепті бітіргеніне 50 жыл толуына байланысты, алтын ұяның аумағын көгалдандырып, абаттандыруды қолға алды. Аймақ басшысының тапсырмасына сәйкес, аталмыш білім беру мекемесіне барған қала әкімі Нұржан Ахатов атқарылып жатқан жұмыстардың барысымен танысты. Мұрат Пірмағамбетұлы абаттандыру шараларын жақын күндері аяқтап, жасыл-желекке күтім жасауды жалғастыра беретіндігін жеткізді.
Сонымен қатар, қала әкімінің ұсынысына сәйкес, «УАД» компаниясының демеушілігімен «Ягодка» және «Пищевик» саяжайларының басты көшесіне тас төсеу жөнінде келісім жасалды.