“Зағиптар қоғамы” клубының ұйымдастыруымен, “Орда зағиптар” мүгедектер қоғамдық бірлестігінің демеушілігімен Қазақстанның еңбек сіңірген әртісі, әнші Мәдина Ералиеваның 70 жылдығына орай “Ақ баян” атты әнші репертуарындағы әндерді орындаудан облыстық ән байқауы өтті.
Қатысушы талапкерлердің өнерін сарапқа салушы қазылар алқасы құрамында “Қараөзек ауылдық клубы” МКҚК директоры, әнші, композитор Байкенов Айдос және “Құрманғазы” атындағы қазақ Ұлттық консерваториясының түлегі, “Қазанғап” атындағы Қызылорда музыкалық жоғары колледжінің оқытушысы, әнші Қуаныш Арайлым Асқарқызы болған байқауға 10 өнерпаз қатысты.
Байқау қорытындысы бойынша бас жүлдені Қызылордалық Ержігітова Ақмарал, 1-орынды Жалағаш ауданынан келген Дәулет Төлегенов, 2-орынды Жаңақорған ауданының қатысушысы Нұрымбетова Майра жеңіп алса, 3-орынды Қызылордалық Сәуле Жұмағұлова және Қазалы ауданының қатысушы Алиев Ануар өзара бөлісті.
Қалған қатысушылар арнайы алғыс хаттар және ынталандыру сыйылықтарымен марапатталды.