Құқық бұзушылықтың, қылмыстың алдын алу мақсатында М.Мәметова атындағы Қызылорда педагогикалық жоғары колледжінде «Кибербуллинг және буллинг» туралы не білеміз?» тақырыбында құқықтық сағат өткізілді. Шараға облыстық жастар денсаулық орталығының психолог-маманы Еркебұлан Әбсамат және колледж психологы Жанат Уалибекқызы қатысты.
Облыстық жастар денсаулық орталығының психолог-маманы Еркебұлан Әбсамат студенттерге Кибербуллинг — интернетте немесе цифрлық технологияларды пайдаланып жасалатын буллингтің түрі. Ол адамдарды мазақтау, қорлау, жалған ақпарат тарату немесе зорлық-зомбылық көрсету арқылы жүзеге асырылатынын түсіндірді.
Құқықтық сағат барысында студенттер кибербуллинг, буллинг терминдеріннің мағынасын ашу мақсатында шағын қойылымдар қойды. Колледж психологы Жанат Уалибекқызы кибербуллингтің алдын алу үшін: Ашық қарым-қатынас; Цифрлық сауаттылық; Құқық қорғау органдарына хабарласу керектігін баса айтты. Шара соңында студенттермен бірге тренингтер жүргізілді. Сонымен қатар студенттер сұрақтар қойып, сала мамандарымен пікір алмасты.
