АЭС салу жөніндегі Халықтық штаб Қызылорда облысында кездесулер өткізді. Штаб мүшелері ақсақалдармен, аналар қауымымен, ауыл тұрғындарымен және еңбек ұжымдарымен әңгімелесті. Сырдариялық тұрғындар АЭС салудың маңызын жақсы түсініп, аймақты және тұтастай алғанда елді дамытудың ауқымды жоспарын осы бастамамен байланыстырады.
Қазіргі уақытта Қазақстанда қалыптасқан база бар. Ядролық физика институтының директоры Саябек Сахиевтің айтуынша, Алматы орталығында қуаты аз реактор шамамен 60 жылдан бері табысты жұмыс істеп келеді, онда 700-ден астам адам еңбек етеді. Медицинадан бастап өнеркәсіпке дейінгі түрлі бағыттарда зерттеулер жүргізілуде. Барлық жұмыс МАГАТЭ тарапынан қатаң бақылаумен жүзеге асады. Мұның барлығы АЭС құрылысында қолданылатын болады.
Ел өркендеуін қалайтын әр азамат АЭС-ті қолдауға тиіс. Сондықтан 6 қазан күні өтетін референдумда бейбіт атом үшін таңдау жасап, дауыс беруі қажет.