Қызылорда облысының прокуратурасы кәсіпкерлер мен инвесторлар үшін «Ашық есік күнін» өткізді.
Бас Прокурордың тапсырмасына сәйкес 2024 жылдың 4 шілдесінде Қызылорда облысы прокуратурасының ұйымдастыруымен кәсіпкерлер мен инвесторлар үшін «Ашық есік күні» өткізілді.
Іс-шараға кәсіпкерлер, мемлекеттік жəне жергілікті атқарушы органдардың, квазимемлекеттік сектор субъектілерінің, Атамекен кәсіпкерлер палатасының, «Kazakh invest» Ұлттық компаниясы» АҚ-ның өңірлік басшылығы және бизнес өкілдері қатысты.
Облыс прокуроры 40-қа жуық кәсіпкерді қабылдап, олардың көтерген мәселелерін тыңдады.
Бұл ретте шараға қатысқан уәкілетті органдардың басшыларына тиісті тапсырмалар берілді.
Ағымдағы жылы Қызылорда облысының прокуратура органдарымен қабылданған шаралардың нәтижесінде 2740 кәсіпкердің құқығы қорғалды, 22 тұлға тәртіптік жауаптылыққа тартылды, 11 кәсіпкерге тиесілі 25 млн теңге өтелді.
Прокуратураларда кәсіпкерлерге дереу қолдау шараларын іске асыру үшін тәулік бойы жұмыс жасайтын мобильді топтардың жұмысы ұйымдастырылған.
Кәсіпкерлердің құқықтарын қорғау жөніндегі мобильді топпен 64 сигнал қаралып, 52-не заң талаптары түсіндірілді,
12 шағым қанағаттандырылды.
Мемлекет Басшысының тапсырмасы бойынша прокуратура маңызды инвестициялық жобаларды сүйемелдеуде.
Осы орайда прокуратура органдарының сүйемелдеуімен 725 млрд теңгенің 10 инвестициялық жобасы бойынша кедергілер мен заңсыздықтар жойылды. Бұл бағыттағы жұмыстар жалғасуда және қатаң бақылауда.