12-15 маусым күндері Астана қаласында «CHILDREN PARALYMPIC GAMES 2024» инклюзивті спорттық фестивалі өтті.
Аталған жарысқа ауданнан спортшылар жүлдемен оралды.
Спорт фестивалінде №220 орта мектебінің 3 сынып оқушысы Жалғас Кәусар III орын иеленсе, №220 орта мектебінің 4 сынып оқушысы Аманжол Аянат II орынға ие болды. Ал №83 орта мектебінің 3 сынып оқушысы Қазбек Жәнібек, №64 орта мектебінің 5 сынып оқушысы Құдайберген Рамазан, Арал көпсалалы колледжінің студенті Шаханова Жангүл жүлделі I орынды иеленді.
Жүлделі оралған жас спортшыларды темір жол вокзалынан аудан әкімінің орынбасары К.Бержанов және ауданыдық спорт, дене тәрбиесі және туризм бөлімінің басшысы Т. Әлжанов, мектеп директорлары, спорт мекемелерінің, Жастар ресурстық орталығының қызметкері қарсы алды.
Аудан әкімінің орынбасары жас спортшыларды жетістіктерімен құттықтап, алдағы уақытта да биік шыңдарды бағындыруына тілектестігін білдірді.