Иорданиялық «Alhusaini Group» компания мұздатылған тауық етін өндірумен, өңдеумен, маркетинг және таратумен айналысады.
Іссапар аясында делегация өкілдері Жаңақорған ауданындағы «Абдулла» ШҚ құс фабрикасы жобасының қызметін егжей-тегжейлі зерделеу мақсатында басшылығымен кездесті.
Облыс әкімінің орынбасары Ардақ Зебешев
компания өкілдерін қабылдап, облыстың инвестициялық әлеуетімен таныстырды.
— Облыстың құс етін тұтыну қажеттілігі жылына 14,1 мың тоннаны құраса, оның барлығы сырттан әкелінеді. Қазіргі таңда аймақта 1 ғана құс фабрикасы жұмыс жасайды, ол Қармақшы ауданындағы «Қармақшы құс» фабрикасы. Өндіріс қуаттылығы облыс халқының 21%-ын ғана құс етімен қамтамасыз етуге қауқарлы.
Құс еті әлеуметтік маңызы бар тамақтың бір түрі екендігін ескере отырып, аймақта тағы құс фабрикаларын ашу бағытында жұмыстар жүргізуге дайын екендігімізді жеткіземіз, — деді Ардақ Темірханұлы.
Кездесу нәтижесімен делегация Қызылорда қаласының «Өндіріс» индустриялық аймағының жер телімдерімен танысып,
облыстың инвестициялық әлеуеті туралы ақпараттар берілді.