Қызылорда қаласының И. В. Панфилов атындағы № 5 мектеп-лицейінде «Біз миллиондаған Панфиловшылар» халықаралық қозғалысы қатарына оқушыларды қабылдаудың салтанатты рәсімі өтті. Бұл үшін арнайы облыс орталығына Қазақстан Республикасындағы Панфилов қозғалысының үйлестірушісі, қоғам қайраткері, генерал И. В. Панфиловтың немересі Айгүл Байқадамова келді.
Іс-шараға Байқоңыр қаласы әкімдігі басшысының кеңесшісі Сергей Волков, «Жауынгерлік бауырластық» ҰОС Байқоңыр өңірлік бөлімшесі басшысының орынбасары Равиль Кульдеев, «Ерлік», «Чернобыль» қоғамдық бірлестіктерінің төрағалары, Қызылорда облысының қорғаныс істері жөніндегі департаментінің өкілдері, «Славяне» қоғамдық-мәдени орталығының төрағасы Галина Щербакова, «Надежда» жастар қанатының жетекшісі, «Славяне» орталығының белсендісі Елена Павлова, онлайн-байланыс арқылы – Петровск, Волоколамск, Саратов қалаларынан, Калуга облысынан халықаралық Панфилов қозғалысының аймақтық үйлестірушілері Петровск, Волоколамск, Саратов, Калуга облысы (Ресей), Бішкек (Қырғызстан), Алматы, Астана, Павлодар облыстары қатысты.
Негізгі іс-шара басталар алдында қатысушылар «Тағзым» алаңындағы «Мәңгілік алау» мемориалына және №5 мектеп аумағындағы И.В. Панфилов ескерткішіне гүл шоқтарын қойды. Салтанатты рәсімде мектептің акт залында жүргізушілер Қазақстанда генерал-майор И.В. Панфиловтың басшылығымен 316-шы атқыштар дивизиясының құрылуы туралы, 1941 жылғы 16 қарашада Мәскеу үшін шайқас барысында 28-ші және панфиловшы батырлардың ерлігі туралы тарихи мәліметтермен бөлісті. Оқушылар Ұлы Отан соғысы туралы өлеңдер мен әндер орындап, көріністер көрсетті. Жас панфиловшылардың салтанатты антын Панфилов қозғалысының үйлестірушісі, аты аңызға айналған генерал И. В. Панфиловтың немересі Айгүл Байқадамова қабылдады.
Құрметті қонақтар жас панфиловшыларға галстук байлады. И. В. Панфилов атындағы № 5 мектеп-лицей Ресей, Қазақстан оқушыларын біріктіретін «Біз миллиондаған Панфиловшылар» халықаралық қозғалысының толыққанды мүшесі болды. Салтанатты жағдайда мектепке халықаралық Панфилов қозғалысының штандарты табысталды.