М.Мәметова атындағы Қызылорда педагогикалық жоғары колледжінің ұйымдастыруымен өткен «ӘСКЕРДЕГІ БІР КҮН» оқу-жаттығу далалық жиыны қорытындыланды.
Екі күнге жалғасқан дала жиыны жүзге жуық студент жігіттің жауынгерлік рухын көтеріп, патриоттық сезімін арттырды. Бүгінгі күн таңғы ояну сәтімен басталып, уақыт бойынша төсек жабдығын реттеу, жуыну, таңғы ас ішумен қатар тактикалық жаттығуларға жалғасты.
Жас сарбаздардың әскери жаттығулар жиыны екі күндік шараның қорытынды марапаттау рәсіміне ұласты. Колледж директоры Тоғанова Жақсыгүл Қоханқызы ҰҚК Шекара қызметі Қызылорда облысы бойынша департаментінің бастығы Айдар Ақанұлы Айымбетовке, ҚР ҰҚК шекара қызметінің Қызылорда облысы бойынша департаментінің тәрбие идеологиялық және кадрлық жұмыстар бөлімінің аға офицері, майор Аманбаев Өмірбек Аманкелдіұлына, подполковник Абдракинов Нурбек Абитаевичке, аға лейтенант Төлебай Әкімжан Еркінұлына, капитан Сағындықов Еламан Муратұлына және кіші сержантАбилов Аскербек Кыпшакбаевичке арнайы «Алғыс» хатын табыстап, жастардың бойында Отанға деген сүйіспеншілікті арттыру, әскери-патриоттық рух қалыптастыру, азаматтарды Отан алдындағы борышын өтеуге шақыру бағытындағы шарада бірлесе жұмыс жасағандары үшін ризашылығын білдірді.
Сонымен бірге екі күн бойы далалық оқу-жаттығу жиындарында өткен әскери сайыста белсенділік танытып, үздіктер қатарынан көрінген колледж жас сарбаздары Ахан Әмірбек, Жамашов Ерғалы, Мусабаев Рамазанға «Үздік мерген» номинациясын, №1 взводқа «Үздік взвод» және жас сарбаз Нұрдәулет Мейрамбекке «Үздік взвод командирі» номинацияларын табыстады.