2023 жылдың 23 желтоқсанында бастау алған шағын футбол лигасы өз мәресіне жетті. Аудан әкімінің кубогіне арналған шағын футболдан аудандық біріншілікте кент және ауылдық округтерден 8-10 сынып оқушыларынан құралған 10 команда бақ сынасты.
Аудан әкімінің кубогын сарапқа салған командалардың ішінде аудан орталығындағы Т.Жүргенов атындағы №123 мектеп-лицей, Ш.Ермағанбетова атындағы №246 орта мектеп, Әл-Фараби атындағы №201 мектеп-лицей, №31 мектеп-гимназиясы, №202 орта мектеп, №33 орта мектеп, №34 орта мектеп, №114 орта мектеп, №116 орта мектеп және №118 орта мектеп бар.
Бірнеше айдан бері жалғасып келе жатқан аудан әкімінің кубогіне арналған шағын футболдан аудандық біріншілікте аудан әкімінің орынбасары Ғани Сүлейменов қатысушы командаларға сәттілік тіледі. Есепті кезеңде өз есесін жібермеген командалардың ішінде топ ішінен топ жарып жүрген жастар анықталды.
Үздік қақпашы номинациясымен №202 орта мектептен Әлімбай Рахмет, үздік қорғаушы Әл-Фараби атындағы №201 мектеп-лицейінен Бекарыстанов Дамир, үздік ойыншы №114 орта мектептен Оразәлі Досхан, үздік сүрмерген №202 орта мектептен Ұлғасбай Қасымжомарт. Ал, үздік команда жетекшісі Т.Жүргенов атындағы №123 мектеп-лицейінің дене шынықтыру пәні мұғалімі Ахметов Айдос.
Сонымен қатар, командалық есепте жүлделі І орынды №202 орта мектеп командасы иеленсе, ІІ орынға Әл-Фараби атындағы №201 мектеп-лицейі командасы, ІІІ орынға №114 орта мектеп командасы жайғасты.