Денсаулық сақтау министрі Ажар Ғиният Pfizer компаниясының өкілдерімен Prevenar 20 вакцинасын келісімшарттық өндіру жөніндегі жобаны іске асыру бойынша ынтымақтастық шеңберінде кездесу өткізді.
«Сіздің компанияңыз Қазақстанда заманауи дәрілік препараттарды келісімшарттық өндіру бойынша іске асырып жатқан жоба Қазақстанды фармацевтикалық өндірістің әлемдік көшбасшыларымен табысты ынтымақтастыққа дайын ел ретінде көрсетеді», – деді компанияның өңірлік президентіне А.Ғиният.
Ол «СҚ-Фармация» ЖШС-мен инновациялық вакцинаны жеткізудің ұзақ мерзімді шартына қол қою жобаны табысты іске асырудың кепілі болатынына, өзара іс-қимылды нығайтуға ықпал ететініне біздің еліміздегі өндірістерді оқшаулауға фармацевтикалық өнімдердің басқа да ірі өндірушілері үшін жақсы үлгі болатынына сенім білдіріп, Big Pharma қатарынан компанияларды тарту жөніндегі міндетті Мемлекет басшысы қойғанын атап өтті.
2010 жылы Қазақстан Ұлттық егу күнтізбесіне пневмококк инфекциясына қарсы вакцинациялау енгізілген ТМД-ның бірінші елі болды.
«Prevenar 13 қолдану жылдарында біздің елімізде балалардағы пневмония ауруының 50%-ға төмендеуі және балалардағы пневмонияның асқынуынан болатын өлімнің 20%-ға төмендеуі байқалды. Prevenar 20 келісімшарттық өндірісін орналастыру біздің балаларымызды иммундауға ықпал етеді деп үміттенеміз», – деп атап өтті Денсаулық сақтау министрлігінің басшысы.
Тараптар заңнамалық деңгейдегі өзгерістер, тұтастай алғанда жобаны іске асыруға дайындық, ғылыми-білім беру жобаларында ынтымақтастыққа дайындық бөлігінде ілгерілеушілікті атап өтті, бұл министрдің айтуынша, Pfizer-дің Қазақстанда болуын күшейтуге мүмкіндік береді және фармацевтика саласының жаңа ғылыми-кәсіби кадрларының дамуына сөзсіз ықпал етеді.