Достық үйінде «Қазақтың айнасы – Абай» тақырыбында жастармен кездесу кеші өтті. Кездесуге Қызылорда облыстық Қазақстан халқы ассамблеясы жанындағы «Ассамблея жастар» ұйымының белсенділері, Волонтерлар орталығының мүшелері қатысты.
Кездесуде «Абай қазынасына саяхат», «Мәміле» клубының жетекшісі Елена Пак қазақтың демократ ақыны туралы қызықты деректермен бөлісті. Жастарға ұлы ақынның өлеңдері мен дастандарын, адамгершілікке шақыратын философиялық шығармаларын оқуға кеңес берді.
Кеш аясында ақынның шығармашылығы мен өмір жолынан интеллектуалды сұрақтар қойылды. Білімпаз жастар қойылған сауалдарға жауап беріп, берілген тапсырмаларды орындау барысында ойларын жан-жақты тұжырымдай білді.
Барша белсене қатысқан ұйым жастарына «Қоғамдық келісім» КММ директорының міндетін атқарушы Фархат Әбдібағдатұлы арнайы Алғыс пен «Абайдың қара сөздері» кітапшасын табыстады.
Шара соңында ұйым жастары 12 тамыз – Халықаралық жастар күніне орай бірлескен жоспарларын талқылап, нақтылады.

БӨЛІСУ