Қызын сабақ оқымағаны үшін пышақтаған әйел 6 жылға сотталды деп жазады Stan.kz
Оқиға өткен жылы күзде болған. Көпбалалы ана дәптерді таза ұстамағаны үшін қызының жамбас тұсына пышақ сұққан. Оқушы ауыр хәлде аудандық ауруханаға жеткізіліген.
Омбудсмен Динара Закиеваның сөзінше, анасы үй жұмысын орындамағаны және дәптерін ұқыпты ұстамағаны үшін қызының жамбас буынына пышақ сұққан. Қызға алғашқы медициналық көмек көрсетіліп, қазір жағдайы қанағаттанарлық. Ал бүгін бауыр еті баласына залал келтірген әйелге үкім шықты.
Оның жүкті екені ескеріліп 6 жылға сотталды. Әйел өз кінәсін толық мойындап, тағылған айыпқа қарсы шықпады. Ол жазасын жалпы режимдегі түзеу мекемесінде өтейді.