Ұлт тәрбиесі – ұлт болашағы. Ұлттық құндылықтарымызды дәріптеп, жас жеткіншектердің шығармашылық қабілетін дамытуға бағытталып, тәрбие жаршысы болған «Біртұтас тәрбие бағдарламасы» өңірімізде жүйелі жүзеге асырылып келеді. Жоба негізінде құндылықтар жүйесі жүйелі түрде әлеуметтік жобалар, іс-шаралар, пән мазмұны мен қосымша білім беру саласы арқылы көрініс табуда.
2024 жылғы 15 наурыздағы ҚР Президентінің жанындағы Ұлттық құрылтайдың «Адал адам – Адал еңбек – Адал табыс» атты отырысында берілген тапсырмасына сәйкес, «Біртұтас тәрбие» бағдарламасы аясында облыс әкімінің жүлдесіне арналған «Сыр лигасы» жобасы жүзеге асырылды. Жоба мақсатына сәйкес өнер және спорт бағытындағы 8 сайыс түрлері бойынша өткізіліп, үш кезеңнің жеңімпаздары және үздік білім бөлімдері марапатталды. Атап өтейік, аймақ басшысының қолдауымен жүзеге асырылған «Сыр лигасы» жобасына Қызылорда қаласы мен барлық аудандардан 297 мектептің 150 мыңға жуық білім алушылары, 7866 ата-аналар қамтылды.
Бүгін жыл қорытындысы бойынша оқу-тәрбие, спорт саласындағы үздіктер ұстаздар анықталып, марапат төрінен көрінді. Салтанатты марапаттау рәсімін облыстық білім басқармасының басшысы Есжанов Асқарбек Темірбекұлы ашып беріп, жыл үздіктеріне жылы лебізін білдірді.
Жобаның аясында жастарды тәрбиелеуге бар күш-жігерін жұмсап, егемен еліміздің жарқын болашағына бағытталған қажырлы қызметі үшін Қызылорда облысы әкімінің «АЛҒЫС ХАТЫМЕН» әріптес-серіктес мекеме басшылары, білім бөлімінің қызметкерлері, ал арнайы «ДИПЛОМДАРМЕН» және құнды сыйлықтармен «Сыр лигасы» жобасының жеңімпаздары марапатталды.
Сонымен қатар, басқарма басшысының «Құрмет грамотасымен» жыл қорытындысы бойынша «Үздік тәрбие орынбасарлары», «Үздік дене тәрбиесі әдіскерлері», «Үздік алғашқы әсери дайындық мұғалімдері», V-ші Қазақстан Мұғалімдерінің Республикалық Спартакиадасының, «Ұлттық мектеп лигасының» жеңімпаздары, «Ұлттық мектеп лигасы» республикалық кезеңінде жеңімпаз және жүлдегер атанған команда жетекшілері, ҚР Оқу-ағарту министрлігі Ұлттық ғылыми-практикалық дене тәрбиесі орталығының лектор, тренерлері марапатталды.
Облыс әкімінің жүлдесіне арналған «Сыр лигасы» жобасының қорытындысы бойынша үздік Арал ауданының білім бөлімі І орын, Шиелі ауданының білім бөлімі ІІ орын, ал Қызылорда қаласының білім бөлімі ІІІ орынды иеленді.
Марапаттау салтанаты жас өнерпаздардың концерттік бағдарламасымен жалғасын тапты.
Барша марапат иелерін құттықтай отырып, егемен еліміздің жарқын болашағына бағытталған еңбектеріңізге табыс, отбасыларыңызға бақ-береке тілейміз!
©️Қызылорда облысының білім басқармасының баспасөз қызметі