Бүгінде занамауи мамандықтар қатары күн санап көбеюде. Соның бірі де бірегейі – мобилография саласы. Мобилография ‒ жаңа ғасырда дүниеге келген трендтегі сала. Бұрын адамдар фотоаппарат көмегіне жүгінсе, бүгінде телефон арқылы да әр сәтті әсем түрде таспалауға болатынына да көз жеткіздік. Мобилография қазіргі кезде жастар арасында ерекше танымалдыққа ие.
Аталмыш жоба аясында жастарды мобилография саласына қызықтыру, үздік мобилографтарды анықтау және Қызылорда қаласының көрікті жерлерін насихаттау арқылы сапалы контенттер қалыптастыру мақсатында “Сыр лигасы” жобасы аясында мобилография сайысының облыстық кезеңі сырттай ұйымдастырылды. Сапалы шығармашылық жұмыс мазмұнына сай өңіріміздегі жалпы білім беру мекемелеріндегі оқушылардың арасында мобилография саласын дамыту, видео түсіруге қызығушылығы бар жастардың әлеуетін көтеру, шығармашылық туындыларын шыңдау, бос уақытты тиімді ұйымдастыру арқылы құқықбұзушылықтың алдын алу көзделеді. Сайысқа жалпы орта білім беру ұйымдарының мобилография өнеріне қызығушылығы бар 8-11 сынып оқушылары қатысып, өз жұмыстарымен бөлісті. Сайыстың әділ қазылар құрамында Қызылорда облысының білім басқармасының Қызылорда қаласы бойынша білім бөлімінің “Қосымша білім бер оқу-әдістемелік орталығы” “ITiMAQORDA балалар технопаркі” бөлімінің меңгерушісі – Серікбаев Мақсат, “Eleven” фото-видео студиясының директоры Кемелханов Жомарт Есентайұлы, Қызылорда облысы бойынша “Өнер барысы 2024” белбеуінің жеңімпазы, жайдарманшы, блогер – Балтахожа Олжас Айтхожаұлы болды.
*Нәтижесінде:*
1 орын – Қабылов Бағлан – Арал ауданы, №87 орта мектебінің 11 сынып оқушысы
2 орын – Мырқы Жансая Ғалымжанқызы Жалағаш ауданы, № 123 мектеп-лицейінің оқушысы
3 орын – Тұрақов Ерсұлтан
Қармақшы ауданы, №113 Қаракөл орта мектебі, 10 сынып оқушысы
3 орын – Бағланұлы Нұрислам. Қызылорда қаласы, Абай атындағы дарынды балаларға арналған мамандандырылған сыныптың 9 сынып оқушысы иеленді.
Барлық қатысушылар “Алғыс хатпен” марапатталды.
Барша жеңімпаздарды құттықтаймыз!