Биыл 1,2 млрд. теңгеге Ақжарма елді мекенін, 3,1 млрд. теңгеге Сабалақ саяжайын және 689,2 млн. теңгеге қалада қалып қойған шағын аудандарды (ақ дақтарды) газдандыру жүзеге асырылуда.
Сонымен қатар, Қызылөзек ауылдық округімен Бірқазан елді мекенін көгілдір отынмен қамту қолға алынады.
Электр энергиямен қамту бағытында құны 4,8 млрд. теңгеге 9 жоба жүзеге асырылуда (бүгінге 1 млрд. 266,7 млн. теңге келді).
Сырдария өзенінің сол жағалауында орналасқан №4 тұрғын ауданы; 7 қабатты тұрғын үйлер; Жас алаш, Теректі және Сарысу көшелері; Белкөл кентіндегі Жерұйық, Сарыарқа, Бірлік көшелері; Ақсуат ауылдық округіндегі жаңа қоныстанушы аумақ; Қосшыңырау ауылдық округіндегі жаңа қоныстанушы аумақ; Қызылөзек ауылдық округіндегі Қараөзек, Айнакөл ауылы, Қараөзек бекеті; Қызылжарма ауылдық округіндегі жаңа аумақ; Сырдария өзенінің сол жағалауында коммерциялық үйлер.
Нәтижесінде желілердің тозу деңгейі 64пайыздан 62 пайызға төмендейді.
Қызылорда қаласында жолаушылар тасымалын жақсарту мақсатында облыс әкімінің қолдауымен 2022-23 жылдары «Өнеркәсіпті дамыту қоры» АҚ арқылы жаңадан лизингке 300 дана автобус алынды.
Сонымен қатар, «Электр автомобильдерін сатып алу үшін «Қызылорда Автобус Паркі» ЖШС жарғылық капиталын ұлғайту» жобасына облыстық бюджеттен 1 100,0 мың теңге қаражат бөлініп, мемлекеттік сатып алулар жарияланған. Қазіргі таңда, жеңімпаз мердігер мекеме «АММЕХ» ЖШС тарапынан 52 дана электр автомобильдері қалаға жеткізілді.
2022 жылы Серіктестік 5 бағыт бойынша жолаушылар тасымалын жүзеге асырса, биыл бұл көрсеткіш 30 бағытты құрауда. Бүгінде, қалаішілік жолаушылар тасымалын күнделікті 240-260 автобус жүзеге асыруда.