Бүгін партияның қалалық филиалының Атқарушы хатшысы Гүлшат Мұсаева «Тасбөгет» бастауыш партия ұйымының мүшелерімен кездесті.
Жиында партияның қалалық филиалының жыл басынан бері атқарған жұмыстары баяндалды.
Бүгінде шаһарда 12809 партия мүшесі қамтылған 40 Бастауыш партия ұйымдарында 270 топтық ұйым жұмыс жасайды.
Жыл басынан бастауыш партия ұйымдары мүшелерімен 13 партиялық жоба бойынша ауқымды шаралар атқарылды.
Партиялық бақылау комиссиясының мүшелері жыл басынан Сайлауалды бағдарламада қамтылған нысандардың құрылыс барысын қадағалап, сапалы әрі мерзімінде аяқталуына жұмыс жасауда.
Партияның қалалық филиалының қоғамдық қабылдау бөлмесінде бекітілген кестеге сәйкес “Кедергісіз келешек”, “Құқықтық көмек” жобалары аясында қоғамдық қабылдау жұмыстары өтуде.
Атап өту керек, ағымдағы жылдың 9 айында қалада VI-санатты жылына 5000-10000 донацияға арналған облыстық қан орталығы іске қосылса, «Жайлы мектеп» жобасы аясында Қызылорда қаласының сол жағалауынан 900 орындық мектеп пайдалануға берілсе, Жол картасы шеңберінде 5 мектепке күрделі жөндеу жұмыстары жүргізілді. Ал жақында партияның Сайлауалды бағдарламасы аясында «Қорқыт ата» атындағы әуежайдың жаңа терминалы ел иігіліне табысталды.