Қаламыздағы “Атамекен” балалар ауылында Дүниежүзілік балалар күні мерекесі әрбір отбасында таңертең музыкалық сәлем мен арнайы әзірленген тосын сыйлармен бастау алды. Балаларға ерекше көңіл-күй сыйлаған сәттер өзгеше әсер қалдырды.
Демеушілердің көмегімен мереке «Арай Аква Парк» демалыс орнында жалғасын тапты. Балалар бассейнге түсіп, аттракциондарда ойнап, шоу-бағдарламаларға қатысып, арнайы әзірленген түскі ас дастарханының қонағы болды.
Балаларды қаржы секторындағы көшбасшы банктердің бірі – Freedom банктің филиал директоры Айдос Жалғасбайұлы бастаған ұжым мерекесімен құттықтап келіп, ізгі тілектерін жеткізіп, сыйлықтарын табыстады. Арнайы құтықтап келген қадірлі қонақтарға балалар поэзиядан үзінді оқып, ән салып, алғыстарын жеткізді.
Балалар Асқар Тоқмағамбетов атындағы мәдениет үйіндегі белгілі жайдарманшылар мен әншілердің қатысуымен өтетін концерттің қадірлі қонағы болды.

БӨЛІСУ