Оқу-ағарту бірінші вице-министрі Наталья Жумадильдаева өңірімізге жасаған жұмыс сапарында басқарма басшысы Есжанов Асқарбек Темірбекұлымен бірге орта, техникалық және қосымша білім беру ұйымдарының бүгінгі жай-күйімен танысты.
Әсіресе Мемлекет басшысының білім жүйесін дамыту, оның сапасын арттыру жөніндегі тапсырмаларының орындалуына назар аударылды.
Бүгінде Қызылорда облысында 28 техникалық және кәсіптік білім беру ұйымы жұмыс жасайды. Соның ішінде жоғары IT және жаңа технологиялар колледжі ауылшаруашылығы, құрылыс, медицина салаларына қажетті инженер, оператор, техник, электромеханик мамандарын дайындалады. Аталған колледждерде білім алатын 20 341-ге жуық студенттің 64 пайызы мемлекеттік тапсырыс негізінде тегін оқиды. Оқу орындары ең үздік қауіпсіздік және экологиялық шешімдер технологиясына негізделген жүйемен жабдықталған.
Наталья Васильевна педагогикалық ұжыммен кездесуде техникалық және кәсіптік білім беру бойынша елімізде қабылданған шаралардың маңыздылығын атап өтті.
Мемлекет басшысы 2025 жылды «Жұмысшы мамандықтар жылы» деп жариялады. Осыған байланысты қазіргі жағдайды ескере отырып, жүйені дамытудың жаңа тәсілдері әзірленді. Бұл дегеніміз – колледждерді өңір экономикасына қарай бейімдеу, көшбасшы колледждерді қалыптастыру, колледждерді тиімді басқаруды енгізу. Бүгінде нарыққа өз саласы бойынша қажетті құзыреттілік пен дағдыларға ие мамандар қажет. Әсіресе, кадрлық әлеуетті көтеруге басымдық берілуі керек, – деді вице-министр.
Сондай-ақ бірінші вице-министр облыс орталығында орналасқан №290 Жайлы мектебіне барды. 900 оқушыға арналып құрылысы биылғы жылы салынған білім ошағы жаратылыстану-математика, бағдарламалау және робототехника бағыттарына бағдарланған. Сонымен қатар, вице-министр Сырдария өзенінің Сол жағалауынан ашылған оқушылар сарайында болып, ондағы «Робототехника», «Теле студио», «Бағдарламалау» кабинеттерінің жұмысымен танысты.
Вице-министр «Білім берудегі өзгерістердің 1000 көшбасшысы» бағдарламасы аясында басшылардың жаңа құрамын жасақтау, балалардың қауіпсіздігін қамтамасыз ету, ата-аналармен «Біртұтас тәрбие» бағдарламасы шеңберінде ынтымақтастықты арттыру бойынша тапсырмалар берді.