Қызылорда Оқушылар сарайында балалардың талантын шыңдап, олардың мамандық таңдауына көмектеседі.
Жеке инвестиция есебінен салынған жаңа Оқушылар сарайы биыл қазан айында пайдалануға берілді, 350 балаға арналғані әлеуметтік нысан қазірдің өзінде екі есе көп баланы қамтып отыр. Онда түрлі жастағы оқушылардың жан-жақты дамуына ықпал ететін жаңа құрал-жабдықтармен қамтамасыз етілген.
«Біз негізгі үш бағыт: шығармашылық, ІТ және кәсіби бағдар беру бойынша жұмыс істейміз. Бүгінде материалдық-техникалық базасы толығымен заманауи бағытта қамтамасыз етілген үйірмелерге оқушылардың қызығушылығы өте жоғары. Біз ата-аналар мен оқушылардың сұранысына қарай жастардың болашақ мамандығына алғашқы қадам жасауына мүмкіндік ашып, қазіргі заманауи талаптарға сай жұмыс істеуге бағыт алып отырмыз. Сол талаптардан шығу үшін жаңа оқу бағдарламаларын ендірудеміз», — деді Қызылорда қаласы Оқушылар сарайының директоры Меруерт Әбдіхалықова.