Бүгін аудан әкімі Жандос Еркінбектің төрағалығымен аудан әкімдігі жанындағы сыбайлас жемқорлыққа қарсы іс-қимыл мәселелері және құқық бұзушылық профилактикасы жөніндегі ведомствоаралық комиссия отырыстары өтті.
Сыбайлас жемқорлыққа қарсы іс-қимыл жөніндегі комиссия отырысында аудандық білім, ауылшаруашылығы мен жер қатынастары, мәдениет және тілдерді дамыту бөлімдерінің сыбайлас жемқорлыққа қарсы атқарған шаралары талқыланды.
Мәжіліс барысында комиссия мүшелерінің ұсыныстары ескеріліп, сала басшылары мен ауылдық округ әкімдеріне сыбайлас жемқорлыққа қарсы насихат жұмыстарын күшейту тапсырылды.
Құқық бұзушылық профилактикасы жөніндегі отырыста ауылдық округ әкімдері жол-көлік оқиғаларының алдын алу және мал бағу мәселелерін, ал жұмыспен қамту және әлеуметтік бағдарламалар бөлімінің басшысы бұрын сотты болған және жазасын өтеу орындарынан мерзімінен бұрын босатылған азаматтарды мемлекет тарапынан әлеуметтік қорғау шаралары туралы баяндады.
Отырыс қорытындысында аудан әкімі тиісті сала басшыларына нақты тапсырмалар жүктеді.