Қазақстан Республикасының Президенті Қ. Тоқаевтың Қазақстан халқына жолдауында «Балалардың спортпен шұғылдануына жағдай жасалуы қажет. Спорт инфрақұрылымын біртіндеп салуды қамтамасыз етуге тиіс» деп халықтың дене шынықтыру және спортпен жаппай айналысуы үшін спорттық инфрақұрылымдардың қолжетімділігін кеңейту қажеттігіне аса көңіл аударғаны белгілі.
Осы бағытта ауданымыздағы білім ордаларының бірі №270 Ғ.Мұхамеджанов атындағы орта мектебінде бірқатар жұмыстар жүзеге асып жатқанын ерекше атап өтуге болады.
Бүгін аталған мектепте қуанышты жағдай орын алып, ашық футбол алаңы жас спортшыларға қолданысқа берілді.
Мектептің ашылғанына 10 жыл және Ғафур Мұхамеджановтың 100 жылдығы аясында ұйымдастырылған спорт алаңының ашылу салтанатына футбол алаңына демеушілік жасаған “Гежуба Шиелі Цемент”ЖШС-нің бөлім басшысы ЕРСІН БАЗЫЛБЕКҰЛЫ және Шиелі аудандық мәслихат депутаты САЛҚЫНБАЕВ МҰХАМЕДЖАН БЕКМҰРЗАҰЛЫ қатысып, «Осы алаңнан елге, әлемге белгілі спортшылар тәрбиеленіп шыға берсін» деген ізгі тілектерімен бөлісті.
Сонымен қатар, мектеп директоры Жаңабаева Гүлзира жазғы спорт алаңының білім алушыларды салауаты өмір салтын қалыптастыру мақсатында демеушілер арқылы салынғанын айтып, құрылыс жұмыстарына атсалысқан азаматтарға алғысын білдірді.
Салтанатты шара білім алушылардың әуелеткен әндеріне, жас спортшылардан жасақталған командалар арасындағы футбол жарысына ұласты.