Бүгін облыс әкімінің орынбасары Ардақ Темірханұлы өңірдегі бірқатар өнеркәсіптік нысандарды аралады.
Атап айтқанда, қытайлық Bayan Country Jiarun Agricultural Development компаниясының тамшылатып суару әдісімен жүгері өсіруді жоспарлап отырған “Таң ЛТД” кәсіпорнына барды. Ағымдағы жылы осы мақсаттар үшін 1 мың гектар алаң өңделеді, келесі жылы тағы 2 мың гектар тартылатын болады.жобаның бірінші кезеңінің құны – 3 млрд. теңге. Әрі қарай компания құны $30 млн болатын глюкоза мен фруктозаны ала отырып, жүгеріні терең өңдеу зауытын салуды жоспарлап отыр.
Келу бағдарламасы бойынша тағы бір кәсіпорын топырақты лазермен тегістеу және қызанақты тамшылатып суару кезінде жақсы өнімділікке қол жеткізу үшін заманауи технологияларды қолданады. Бұл жобалар Мемлекет басшысының суармалы егіншілікті және ылғал үнемдеу технологияларын ұлғайту жөніндегі тапсырмасы шеңберінде іске асырылуда.
2016 жылдан бастап өңірде бала – Саускандық кен орнында ванадий кендерін автоклавпен өңдеу бойынша инвестициялық жоба іске асырылуда.
Ванадий негізінен беріктік пен коррозияға төзімділікті қамтамасыз ету үшін болат қоспасы ретінде қолданылады. Бір тонна болатқа қосылған екі фунт ванадий оның беріктігін екі есеге арттырады.
Ванадий иілгіш, берік болат тәрізді металл ретінде аэроғарыш, қорғаныс, энергетика және автомобиль өнеркәсібінде қолданылады.
Жобалық қуаттылығы жылына 1 млн. тонна кенді құрайтын британдық инвесторлар 2027 жылға қарай жобаны аяқтауды жоспарлап отыр. Ferro-Alloy Resources Group компаниясы жобаға шамамен 64 млрд. теңге салуға ниетті.