Сыбайлас жемқорлықпен күрес – баршаға ортақ міндет. Осы мақсатта «Анаға тағзым» орталығында облыстық Әділет департаментінің ұйымдастыруымен дөңгелек үстел өтті.
«Сыбайлас жемқорлыққа қарсы іс-қимыл және мемлекеттік қызметшілердің әдеп нормалары» тақырыбындағы шараға «AMANAT» партиясы облыстық филиалы жанындағы сыбайлас жемқорлыққа қарсы іс-қимыл жөніндегі кеңес Төрағасы М.Нәлібаев, ҚР Мемлекеттік қызмет істері Агенттігінің облыс бойынша департаменті бас маманы С.Жұмаев және бірқатар сала мамандары қатысты.
Күн тәртібіндегі өткір мәселенің алдын алу бағытындағы дөңгелек үстелде қатысушылар сыбайлас жемқорлықтың кез-келген көріністеріне теріс қарым-қатынасты қалыптастыру, жемқорлық құқық бұзушылықтың алдын алу және Әдеп кодексінің нормаларын сақтау төңірегінде ой-пікір алмасып, ұсыныстарын жеткізді.
Біздің мемлекетіміз, басқа да көптеген мемлекеттер сияқты, сыбайлас жемқорлықтың алдын алу және оны болдырмау мақсатында қарқынды жұмыс жүргізуде. Қазіргі уақытта, сыбайлас жемқорлыққа қарсы күрес жөніндегі негізгі принциптерін айқындап, сыбайлас жемқорлыққа байланысты құқық бұзушылықтың түрлерiн, сондай-ақ міндеттемелік шарттарын белгілеп, сыбайлас жемқорлыққа байланысты құқық бұзушылықтың алдын алу, анықтау, жолын кесу және ашу, олардың зардаптарын жою және кiнәлiлердi жауапқа тарту арқылы сыбайлас жемқорлық қарсы күрес туралы заң азаматтардың құқықтары мен бостандықтарын қорғауға, сыбайлас жемқорлық көрiнiстерiнен туындайтын қауiп-қатерден Қазақстан Республикасының ұлттық қауіпсіздігін қамтамасыз етуге, мемлекеттік функцияларды орындайтын мемлекеттік органдар, лауазымды тұлғалар және оларға теңестірілген тұлғалардың тиімді қызметін қамтамасыз етуге бағытталған.
Жүргізілетін іс-шараларды тиімді ету мақсатында мемлекеттік органдарында сыбайлас жемқорлыққа көріністерін шектеуге бағытталған іс-шаралар жоспары әзірленеді және жүзеге асырылады. Жоспарланған іс-шараларды іске асыру қылмыстық шабуылдан азаматтардың конституциялық құқықтары мен бостандықтарын қорғауға, сыбайлас жемқорлыққа қарсы күресте мемлекеттік органдар мен қоғамның белсенділігін арттыруға мүмкіндік береді.