ҚР Ауыл шаруашылығы вице-министрі Ербол Қуанышұлы жұмыс сапары барысында «Ауыл аманаты» жобасы арқылы ашылған Шиелі ауданындағы «Барлыбай и К» ӨК-нің томат пастасы өндірісінің жұмыс барысымен танысты. Цехтың қуаттылығы тәулігіне 2 тонна қызанақ пастасын өндіреді. Қазіргі таңға 25 мың банка консервіленген өнімдері сынақ ретінде шығарылды.
Ербол Қуанышұлы «Ауыл Аманаты» жобасы бойынша жылыжай өндірісін қолға алған кәсіпкермен кездесті. Қазіргі таңда жалпы алаңы 2800 шаршы метрді құрайтын 4 жылыжай салынып, 8 000 түп қияр, 2 000 түп қызанақ егілген.