«Текті сөздің төресі – терме» атты облыстық жас жыршы-термешілер байқауы өтті.
Жаңақорған ауданы қоғамдық даму бөлімінің «Жастар ресурстық орталығы» КММ әлеуметтік тапсырысы аясында, аудан әкімдігінің, «Қызылорда облысының Жастар Одақтары» қоғамдық бірлестігі мен М. Көкенов атындағы аудандық мәдениет үйінің бірлесіп ұйымдастыруымен өңір өнерпаздарының басын қосқан облыстық байқау өтті.
Байқауға аймақтың 35 жасқа дейінгі 13 өнерпазы қатысты. Үміттерін үкілеп келген жыршы-термешілер II кезең бойынша өнер көрсетті. I кезең Жаңақорған өңipiнен шыққан ақын-жыраулардың шығармаларынан бip терме орындады, ал II кезең бойынша әр қатысушы өз қалауымен кез-келген термені орындап шықты.
Қазылар алқасының құрамында өңірімізге белгілі жыршы-термешілер Майра Сәрсенбаева мен Мұхтар Дәрібаев және Жастар ресурстық орталығының директоры Наурызбай Орынбасаров болды. Қазылар алқасы термешілерді әншілік шеберлігіне, таңдаған туындысының мазмұндылығына, сахна мәдениетін ұстауына қарап баға берді.
Қортындысында III орынды Көкен Өскенбай (Жаңақорған), Кеңес Әли (Қызылорда), Жәнібек Жақсан (Қызылорда) бөлісті. II орынға Руслан Өтегенов (Қармақшы), Күмісбек Айжарық (Арал) лайық деп танылды. I орын қазалыдан келген Ұлдана Нұртуғанның еншісінде. Ал, қатарынан озып шыққан жаңақорғандық Әсем Мажит Бас жүлдені жеңіп алды.