Орталық Азия елдері арасында барлық таза инвестициялардың 61%-ы Қазақстанға тиесілі – ҚР СІМ.
Инвестициялардың құрылымына тоқталған вице-министр өткен жылдары тау-кен металлургия кешеніне тартылған инвестициялар көлемі 70% және одан артық болғанын атап өтті. Өткен жылы бұл көрсеткіш шамамен 50% құрады.
«Өңдеу өнеркәсібінің үлесі артып келеді. 2022 жылы ол шамамен 20%-ды құрады. Көтерме және бөлшек сауда үлесі де өсті. Бұл салаға шамамен 5 млрд доллар тартылды, сондай-ақ көлік және қоймалау саласына – шамамен 1 млрд доллар», – деді СІМ өкілі.
Қазақстанда инвестицияларды арттыру үшін қолайлы жағдайлар қалыптасып, оң инвестициялық ахуалды сақтау үшін барлық шаралар қабылдануда, деді спикер. Нидерланд, АҚШ, Швейцария, Бельгия, Ресей, Украина, Қытай, Франция, Ұлыбритания, Германия елдеріэкономикамыздың донорлары болып табылады.
«Елде инвестиция тартудың үш деңгейлі жүйесі қолданылады. Жаңа компанияларды тарту бағытында 108 шетелдік мекеме жұмыс істейді. Жыл сайын 3 мыңға жуық жаңа компаниямен жұмыс жүргізіледі. Тікелей өңірлерге 500-550-ге жуық әлеуетті инвестор келеді», – деп атап өтті вице-министр.
Осы жылдың бірінші жартыжылдығында белсенділік төмендеуде. Тек сыртқы факторда 2000-ға жуық компания өңделді, олардың 450-і қазақстандық өңірлерге сапармен барды. А. Айдаровтың айтуынша, министрліктің алдында жыл сайын шетелдік қатысумен кемінде 40 ірі жобаны құрылысқа жеткізу міндеті тұр.
СІМ өкілі ТШИ тарту бойынша көшбасшы өңірлерді атап өтті. Бірінші орында Атырау облысы, одан әрі Алматы, Астана, ШҚО және БҚО орналасқан.
Вице-министр атап өткендей, Мемлекет басшысының тапсырмасы бойынша министрлік елімізде инвесторлар тап болатынпроблемаларды белсенді зерттеп жатыр. Инвесторлар арасында ауқымды сауалнама жүргізілуде, сауалнама жүргізумен айналысатын сервистік блок бар. Жалпы, инвесторлар ұсынылған шарттармен келіседі. Бірақ кемшіліктер де бар. Мысалы, кейбір инвесторлар техникалық шарттарды ұсынудағы қиындықтарды, шикізатқа қол жеткізудегі, қаржы құралдарын алудағы қиындықтарды, сондай-ақ ЕДБ жоғары пайыздық мөлшерлемелерін атап өтеді. Сондай-ақ жобаларды іске асыру барысында жекелеген инвесторлар Қазақстанда білікті кадрлардың жетіспеушілігіне тоқталды.
Шетелдік инвестицияларды тарту бойынша жұмыс осы бағытта жалғасады, жұмыс қарқынытөмендемейді және біз Қазақстанның инвестициялық ахуалын одан әрі жақсарту бойынша жұмыс істейміз, деді вице-министр.