Сырдария ауданының әкімі Берік Сәрменбаев аудандық спорттық сауықтыру кешенінде спортшы жастармен кездесіп, гір көтеру спортынан өткен жарыс жеңімпаздарын марапаттау рәсіміне қатысты.
Спорттың кез келген түрімен айналысу адамның қабілетіне байланысты. Ауданымызда спортпен шұғылданып қана қоймай, оны жастар арасында насихаттауға үлес қосып, шәкірт тәрбиелеп жүрген азаматтарымыздың бірі, гір көтеру спортынан халықаралық дәрежедегі спорт шебері, Сырдария спорт клубының жаттықтырушысы – Медетбаев Оразбек Дәулетиярұлы.
Аудан басшысы Берік Әбдіғаппарұлы жаттықтырушының спорттық шараларда аудан намысын абыроймен қорғап жүрген шәкірттеріне ризашылығын білдіріп, жеңіс туын әрдайым биіктен желбіретуге тілектестігін жеткізді.