«Жасөспірім» жедел профилактикалық іс-шарасы өткізілуде.
Қала көлемінде кәмелетке толмағандар мен жастар арасында қылмыстылық пен құқық бұзушылықты алдын алу, болдырмау, олармен және оларға қарсы қылмыстың жасалуына жол бермеу мақсатында 2023 жылдың маусым айының 07-09 күндері аралығында «Жасөспірім» жедел профилактикалық іс-шарасы басталды.
Іс-шара аясында кәмелетке толмағандармен жасалатын әкімшілік құқық бұзушылықты анықтау, кәмелетке толмағандарды тәрбиелеу және оқыту жөніндегі міндеттерін орындамайтын ата-аналарды және кәмелетке толмағандардың түнгі уақытта заңды өкілісіз жүруі, сонымен қатар кәмелетке толмағандармен және олардың қатысуымен жасалған құқық бұзушылықтарды анықтау, полиция органдарына тізімдік, профилактикалық есепке алу жұмыстарын жандандыруды және білім беру ұйымдарының білім алушылары арасында қорқытып алу, бұзақылық, сондай-ақ, кәмелетке толмағандарға қатысты басқа да құқыққа қарсы әрекеттерді анықтау мақсатында түсіндіру жұмыстарын жүргізу, кәмелетке толмағандардың көп жиналатын орындарында рейдтік іс-шаралар өткізілетін болады.