Алматыда перинаталдық орталықтар мен перзентханаларда жұмыс істейтін мейіргерлердің Қазақстандағы алғашқы халықаралық форумы өтуде. Іс-шараның мақсаты – реанимация, қарқынды терапия және жаңа туған нәрестелердің патологиясы бөлімшелерінде жаңа туған балаларды құтқару мен күтуде орта медицина персоналының ерекше және өте маңызды рөліне назар аудару.
Іс-шара жыл сайын Халықаралық мейіргерлер кеңесінің ұранымен атап өтілетін Халықаралық мейіргерлер күніне орайластырылған.
Халықаралық форум гибридті форматта (офлайн, онлайн) өтеді, мемлекеттік және жеке медициналық ұйымдардың 300-ден астам неонаталдық мейіргері, сондай-ақ Литва, Өзбекстан, Қырғызстан, Түркия, Әзірбайжан және Израилден келген әріптестері қатысады.
Форумды өткізу ҚР Денсаулық сақтау министрлігінің келісімі бойынша Қазақстанның акушер-гинекологтар мен неонатологтар Конгресінің бастамасымен жүзеге асырылуда. Ұйымдастырушы серіктес – “Шеврон” компаниясының қолдауымен AYALA қайырымдылық қоры болды. Бұл Қазақстандағы орта медицина персоналы үшін өткізілетін осындай деңгейдегі және ауқымдағы алғашқы кәсіби іс-шара.
“ҚР ДСМ ЮНИСЕФ ұсынымдарын және ДДҰ-ның 2016-2030 жылдарға арналған әйелдер, балалар мен жасөспірімдер денсаулығын сақтаудың жаһандық стратегиясын ұстанады, мұнда балалар көрсеткішін жақсарту өліммен шектелмейді және өмір сүру, өркендеу және қайта құру бағдарламаларын қамтиды. Денсаулық сақтау министрлігі неонатологияға маманданған орта медицина персоналының кәсіби құзыреттілігінің үздіксіз өсуі мен үздіксіз дамуын қолдайды және ынталандырады. Шынында да, өмірдің алғашқы 28 күнінде жаңа туған нәрестелердің өмірін сақтау кезінде үлкен физикалық және моральдық жүктеме бар – бұл оның кейінгі жылдардағы денсаулығын анықтайтын ең маңызды кезең. Біздің елімізде перинатология және неонатология саласында 25 мыңнан астам орта медицина қызметкері жұмыс істейді, бұл жыл сайын 400-ден астам қазақстандық әйелдің босануына және олардың 20 мыңнан астам шала туған нәрестелеріне көмектесетін қызметкерлердің үлкен армиясы.
Дәрігердің қатысуымен қатар мейіргердің қатысуы да аса маңызды, өйткені түпкілікті нәтиже олардың манипуляцияларға мұқият дайындығына, дәрігердің тағайындауларын уақтылы орындауына және баланы сауатты күтуіне, өмірлік маңызды параметрлерді бақылауына байланысты.
Күніне тек бңр шала туған нәрестеге рентгендік диагностика, қан тамырларын катетеризациялау, сүңгілеу кезінде дұрыс позициядан бастап, операциялық араласулардағы көмекке дейін шамамен 20 манипуляция жасалады.
Ағымдағы жылы елімізде алғаш рет халықаралық стандарттарға сәйкес келетін Неонаталдық көмек стандарты бекітілді, онда мейіргер/пациент арақатынасын 1:2 жеткізуге баса назар аударылады, бұл жаңа туған нәрестеге күтім көрсетуді жақсартуға және оң нәтижелерге ықпал етеді. ҚР-да тиімді перинаталдық технологияларды енгізу, перинаталдық көмекті өңірлендіру, кадрларды дұрыс орналастыру және медициналық жабдықтармен жарақтандыру, тірі және өлі туу өлшемшарттарын енгізудің 15 жылы ішінде перинаталдық кадрларды даярлау орталықтарының желісін дамытудың арқасында нәресте өлімін 3 есеге жуық төмендетуге мүмкіндік туды.
Форум алаңы Алматыда Қазақстанның және әлемнің басқа елдерінің үздік мамандарын жинады, олар әріптестерімен тәжірибе жылдарында жинаған бірегей білімдерімен бөлісуге дайын. Осы форумда қарқынды ақпарат алмасу біздің еліміздегі неонаталдық қызметтің сапасын одан әрі арттыру және жетілдіру үшін тамаша құрал, медицина қызметкерлері үшін ынталандыру, дағдыларды дамытуға уәждеме, олардың жұмысына көңіл бөлуді арттыру болады.
Айта кеткен жөн, бүгінде облцсымызда ана мен бала денсаулығын қорғау және перинатальды қызметтің сапасын арттыру мақсатында жоспарлы жұмыстар жүргізілуде.
Қазір облыс халқының 93% – акушер-гинекологпен, анестезиолог-реаниматологпен – 70,0%, неонатологтармен – 90,3% қамтылған. 2022 жылы 20 маман оқуын аяқтап, жұмысқа қабылдануы жоспарланып отыр. Оның ішінде анестезиолог-реаниматолог – 7, акушер-гинеколог – 4, неонатолог – 1. 28.03-02.04.2022 ж аралығында «UMC» КҚ базасында туа біткен аномалиялардың скринингтік зерттеуін жетілдіру мақсатында «Ерте пренаталды скринингтегі заманауи әдістер» тақырыбында 5 УДЗ мамандары білімін жетілдірді, алдағы уақытта жоспар бойынша мамандар жолданатын болады.
Облыстық перинаталды орталықта нәрестелер жансақтау бөлімшесіндегі реанимациялық керуеттер ауданы қайта қарастырылды. Сонымен қатар, нәрестелер-жансақтау бөліміне 4 теонды ауа залалсыздандырғыш, 15 инфузомат алынды. Орта буын қызметкерлерінің нормативті штаты қайта қаралып, 1 мейірбике: 2 науқас (1/2) арақатынасы бекітіліп, тәуліктік ем-шара мейірбике посты ашылды. Шала туылған және қауіпті топтағы балаларға мониторинг жүргізу көпбейінді облыстық балалар ауруханасында катанамнестикалық кабинет арқылы жүзеге асырылуда.
Аймақта жүкті әйелдер мен нәрестелерге және 5 жасқа дейінгі балаларға арналған патронаждық әмбебап-прогрессивті моделі бойынша патронаждық қызмет жұмысын жандандыру мақсатында жауапты облыстық координатор бекітілді және супервизия жүргізу үшін 3 топ құрылып, облыстағы емдеу мекемелеріне жоспар бойынша мониторинг жүргізілетін болады.