Көктем шуағы еніп, жер сызы кетісімен, дала төсінде көктемгі егіс жұмыстарына дайындық басталды. Бүгін аудан әкімі Мұхтар Оразбаев егіс алқаптарын аралады.
Алдымен аудан басшысы Бекарыстан би ауылындағы «Сақыбай» каналын механикалық тазалау жұмыстарымен танысты. Бұл жұмыстар егістік және жайылымдық жерлерді ағын сумен қамтамасыз етуде өз тиімділігін көрсететін айтқан Мұхтар Әуесұлы маңызды істі бірлесе атқаруды тапсырды.
Сонымен қатар, Майдакөл ауылдық округіндегі жайылымдық және шабындық жерлерді ағын сумен қамтамасыз ететін “Қараарық” каналына соғып, еңбекші қауымға сәттілік тіледі.
Одан соң аудан әкімі «РЗА-Агро» ЖШС-ның егіс алқаптарына арнайы барып, еңбеккерлермен кездесті. Қазіргі таңда мұнда көктемгі егіс жұмыстары қарқынды жүріп жатыр. Бүгінгі күнге 600 гектар есік жоңышқа тырмаланып, 120 гектар жаңа жоңышқа егілген.
Аудан әкімі Мұхтар Оразбаев аудан көлемінде атқарылып жатқан көктемгі дала жұмыстары күн тәртібінен түспей, бақылауда болатынын жеткізді.
2023-04-03