Оның айтуынша, жақында елімізде жастар денсаулық орталықтары дами бастады. Қазір олардың саны 200-ге жақындады. Олар емдеу-профилактикалық диагностика, психологиялық бағыттар, жастарға әлеуметтік көмек көрсету бойынша кеңес береді. Сондай-ақ заңгерлік кеңес ұсынылады, салауатты өмір салтын ұстану, отбасын жоспарлау, қажетсіз жүктіліктің және суицидтің алдын алу бойынша қызметтер көрсетіледі.
«Өткен жылы жастар орталықтары арқылы 700 мыңға жуық пациент өтті», – деді В.Дудник.
Жыл сайын еліміздің БСМК деңгейінде 0 жастан 17 жасқа дейінгі балаларға профилактикалық тексерулер жүргізіледі. 2022 жылы балалардың кәсіби тексеру пакеті кеңейтіліп, оған кейбір зерттеу әдістері енгізілді. Өткен жылы балаларды профилактикалық тексерумен қамту 9%-ға артып, балалардың 91% құрады. Бұл ретте балалардың 33%-ы диспансерлік есепке алынды.
Тағы бір блок – мектеп медицинасы. Бүгінде елімізде 6,5 мың мектеп медпункті жұмыс істейді, оларда 7 мыңға жуық медбике еңбек етеді.
«Дені сау ұлт» ұлттық жобасы аясында өткен жылы оқушылардың өз денсаулығына қатысты мінез-құлқы бойынша зерттеу жүргізілді. Электрондық темекіні немесе вейпті мектеп оқушыларының 10% пайдаланады. 13-15 жаста олардың үлесі екі есеге жуық артады», – деді вице-министр.
Бұл ретте Денсаулық сақтау министрлігінің өкілі Үкіметте қыздырылатын темекі өнімдеріне акциздер және елде вейптерге тыйым салу туралы мәселе қаралып жатқанын атап өтті. Сонымен қатар, Денсаулық сақтау министрлігі жасөспірімдер арасындағы семіздік мәселесіне де қатты алаңдайды. Осыған байланысты вице-министр ведомствоның қант концентрациясы өте жоғары, демек, өз кезегінде балаларда қант диабеті мен семіздіктің даму қаупін арттыратын тәтті газдалған сусындарға акциздерді көтеру туралы ұстанымын жеткізді.